نائب رئيس نادي الزمالك لابراهيم فايق سلكنا الطرق السليمة تعاقد مع أي لاعب
أكد هشام نصر نائب رئيس نادي الزمالك عبر برنامج الكورة مع فايق : احنا سلكنا الطرق السليمة في إجراء أي تعاقد مع أي لاعب كلمنا طلائع الجيش وقولنالهم عايزين محمد عدلان في اليد وإبراهيم هشام في السلة وروحت أنا وكابتن حسين لبيب ورامي نصوحي وعملنا مفاوضات وقدمنا عرض مالي وجالنا رد إن في موافقة على عرض نادي الزمالك وهيتم منح الاستغناء لينا .. رامي راح جهز العقود عشان طلائع الجيش يوقع واللاعب مضى هو ووالده بعد تنفيذ تعليمات طلائع الجيش .. فوجئنا إن النادي اعتذرلنا وقالوا إن الاستغناء راح للأهلي ولا يجوز الاستغناء عن اللاعب إلا برغبته
وأضاف : الأهلي ورقه ناقص والزمالك ورقه ناقص .. اتحاد اليد هو اللي هيفصل وهيجيب اللاعب محمد عدلان يسأله عن رغبته .. لازم رغبات اللاعيبة تبقى عامل أساسي في الموضوع .. وأتمنى إن الموضوع يحسم سريعاً .. وبلاش يتقال إن الزمالك بيضغط ويرهب زي زمان دي رغبته هو ووالده
واتم : الطرف الثاني مش معاه رغبة اللاعب محمد عدلان والرغبة هي الحاسمة .. كده أنت بتقهر اللاعب يلعب معاك وده بني آدم وعنده رغبة لأن ده ثروة موجودة لمنتخب مصر
