توك شو
محمود كهربا لأبراهيم فايق : النادي الأهلي بيتي طالع إعارة 6شهور لأتحاد الليبي
- أنا كنت ماشي كويس مع الاهلي لحد ما موديست جه للفريق بقرار من كولر ، انا كنت بساعد موديست كتير خارج الملعب ولكن انا كنت شايف نفسي أحسن
- أنا اللاعب إللي من نوع كل ما بفضل في الملعب و رجلي بتبقى في الملعب مستوايا بيعلى و بكسر الدنيا
- لو موقف فرح اختي اتكرر هعمله تاني ابويا وامي واختي واخويا اعمل اي حاجه علشانهم لو كنت روحت الماتش مش هتفرق معاهم لأني كنت المهاجم رقم 3
- كهربا:
- النادي الاهلي بيتي، انا طالع ست شهور اعارة للاتحاد الليبي ورغم كده مش مستوعب لان الاهلي بالنسبالي كل حياتي وهاخد وقت على ما اتأقلم نفسيا بس في النهاية انا طالع اعارة واسباب الخروج حاليا بيني وبين الأهلي بس
- .كهربا مع ابراهيم فايق عن سبب رفض توجه لاعبي الأهلي لتحية الجماهير، عقب مباراة شباب بلوزداد🗣:
- مش عارف عملت كده إزاي في مباراة بلوزداد، وبقول لجماهير النادي الأهلي حقكوا عليا.
- اتشتمت بأمي كتير جدا، ومش على الفيس ولا الواتساب، دي كانت مكالمات بعد ما رقمي أتوزع، وكل المكالمات كانت شتيمة في أمي بس، والأمر ده تعبني نفسيا جدا.
- كهربا مع ابراهيم فايق 🗣:
- فقدت الثقة في نفسي، بسبب ابتعادي عن المشاركة، وأنا زعلان جدا بسبب إني هاسيب النادي
- الفترة اللي فاتت ركزت على الجانب البدني، وهدفي هو المشاركة في فترة الإعارة كتير، علشان استعيد مستوايا
- كهربا :” كنت ماشي كويس جدا لحد ما مستر كولر جاب موديست وبدأ كولر يلاعبه عليا وبدأت أبعد عن المشاركة وأنا بتمرن كويس”🔴🦅
