توك شو
كريم حسن شحاته عبر برنامج كورة كل يوم على قناه الحياه وبشير التابعي وإبراهيم عبد الجواد التوك شو
- عايز اوجه كلمتي إلى جمهور الزمالك.. لاني شايف الجماهير ماسكه إدارة الزمالك مبهدلينهم ولازم يمشوا
- عايز اقولهم مفيش مقارنه بين الزمالك والأهلي في الفلوس .. ده كلامي للناس اللي بتهاجم كابتن حسين لبيب لان هنا هدافع عن كابتن حسين لبيب
- الناس دي عليها فلوس رهيبه ومستلمين تركه صعبه جدا من المجالس السابقه وغرامات ومديونات رهيبه هيعملوا ايه يعني الموضوع صعب جدا
- هتقولي ما هما كانوا داخلين وعارفين ووعدوا الناس .. لكن التركه تقيله ومفيش مقارنه بين الزمالك والأهلي لان الأهلي مستقر مالياً ومعاه فلوس ومعندوش اي أزمات ماليه ومعندوش ديون زي الزمالك
- في حاجه مش عايز اقولها في التلفزيون.. والله لو مين مسك الزمالك في أمور فوق طاقه البشر والله ما حد يقدر يستحملها .. اه في أخطاء طبعا لكن مش لدرجه التطاول والتشايم
- أنا بقولكم في ناس في المجلس عايزه تقدم استقالتها من كتر الشتائم اللى وصلت ليهم .. بقول للجمهور اهدوا شويه
- في ناس بتتكلم دلوقتي عن المجالس السابقه.. كل اللي فيه الزمالك ده بسبب تصرفات المجالس السابقه ومكنوش بيعملوا حاجه اللي يشتكي يشتكي وكانت في قضايا على الزمالك وفلوس قد كده بس الناس بتنسى
- لازم الناس تساند المجلس الحالي لان الناس دي بتحاول تحل الأزمات وبتعمل فوق المستحيل لأنها بتنافس وبتكسب بطولات وهما مديونين وبيستلفوا
- الجماهير عايزه الزمالك يكسب كل البطولات ويكسب افريقيا ويدفعوا كل الديون وكل المستحقات ويعملوا كل حاجه في وقت واحد وده صعب جدا جدا جدا
- أنا لو مكان كابتن حسين كنت طلعت قولت أنا مش هقدر انافس واجيب لعيبه كبيره وبطولات كل ده في وقت واحد واصارح الجماهير.. أنه لازم صبر
- صعب جدا المجلس يدفع كل ده في وقت واحد يجدد اللعيبه ويدفع مستحقات ويدفع ديون ويسدد الالعاب الجماعيه ورواتب العمال والموظفين كل ده في وقت واحد صعب جدا..
•بقول لجماهير الزمالك اهدوا وبصوا في جدول الدوري وشوفوا الزمالك والأهلي معاهم كام نقطه والزمالك مش مستقر ولا معاه فلوس والأهلي معاه فلوس ومستقر ومعاه كل حاجه
بشير التابعي لاعب الزمالك السابق عبر برنامج بوكس تو بوكس على قناه etc 🎙️
- حسين السيد سلف الزمالك 25 مليون جنيه وخدهم مليون دولار بعد ما بقى ب50 جنيه
- كان في اجتماع للجنه الكرة بحضور طارق السيد لمناقشة الصفقات، وأحمد سليمان، المشرف على فريق الكرة محضرشي بسبب خلافته مع حسين السيد
- مش عارف ايه دور مجلس إدارة الزمالك، وممدوح عباس كتر خير دفع مبالغ مالية كبيرة ومحدش بيدفع من المجلس غير سلف
- حسين السيد سلف النادي 25 مليون جنيه مصري قبل التعويم أي ما يوازي مليون دولار، وحصل عليها مليون دولار بعد تتويج النادي بالكونفدرالية
- مش عارف إزاي يسلف النادي بالجنيه وياخدهم بالدولار والكلام ده اتقالي من جوا نادي الزمالك!
- أنا مش عارف دور الإدارة ايه ولا عارف تعمل صفقات ولا تجدد عقود اللاعبين .. امال انتم بتعملوا إيه
- إبراهيم عبدالجواد عبر قناة أون تايم سبورتس 🎙️
- خبر مفاجأة أن محمود بنتايج المحترف في صفوف نادي الزمالك كان قريباً من الانضمام إلى الأهلي
- طيب ازيدكم من الشعر بيت هو أن محمود بنتايج أتم الإتفاق مع بعض الوكلاء للانتقال إلى الأهلي بعد نهايه الموسم
- كل الناس سمعت عن خبر طلب بنتايج قطع إعارته مع الزمالك والعودة لسانت إتيان الفرنسي والسبب في كده أن الوكلاء طلبوا منه علشان يعمل كده ويروح الأهلي • بعدما رفض الزمالك قطع الإعارة حاليا .. تم تأجيل شراء الأهلي للاعب إلى نهايه الموسم بعد انتهاء إعارته مع الفريق وعودته إلى سانت اتيان
