🔴هو النهاردة ايه؟ الاتنين، هو مش ده اليوم اللي بتنعقد فيه لجنة المسابقات عشان تعطي عقوباتها؟ ايوة، يعني المفروض العقوبات كانت تطلع بدري ولا لازم تطلع واحدة او اتنين الصبح؟
🔴من كام شهر راح كهربا احتفل مع جمهور الاهلي فكان مهددا بالشطب وفي النهاية اتوقف 12 مباراة اقصى حاجة موجودة، وفي الاخر ال 12 بقوا 6 مباريات، وقتها كانت مبادئ ولوائح واشتغلوا عليها..
🔴امام عاشور كان يلعب في نادي الزمالك واحترف في ميتلاند والراجل راح معرفش يتأقلم وقال لناديه القديم ياجماعة مش هكمل ورجع لناديه وقالهم يا جماعة انا فاضي قالوله ممعناش فلوس مش هنعرف نجيبك.. جاله عرض من اكبر نادي في مصر والعرب وافريقيا النادي الأهلي وجه الاهلي، ده امام اللي قال كده في قناة الاهلي وطلعوا الزملكاوية عملوا احتفالات قالك بص قال اهو انه جالنا الاول، احنا يا سيدي معترفين وحاجة جميلة منه، والراجل خلص مع الاهلي وجه النادي الأهلي..
🔴الأهلي لانه نادي كبير ومحترم قدر يخرج من امام افضل حاجة وبقى احسن لعيب في مصر السنة اللي فاتت واحسن لعيب في مصر وافريقيا السنادي وهداف الدوري وافريقيا لانه في بيئة يقدر يبدع من خلالها، ايه بقى ذنب امام عاشور في القصة دي؟ لكن لأ يقوم الجمهور سباب وتطاول بافظع الالفاظ وهتك للاعراض وسط فرحة وسعادة من المسؤولين، اه والله، يا مراقب متكتبش، يا مخرج متذعش، يا حكم متدونش، فتيجي تستنى العقوبات، مشوفناش، مسمعناش، هو ده اللي بيحصل بالظبط.
