وقالت مي عمر خلال لقائها ببرنامج “تفاعلكم”: “قبل المسلسل مكنتش بعرف أرقص خالص وفضلت 6 شهور أتعلم عشان لازم للشخصية، ورجعت لوزني الطبيعي لأني كنت في نعمة الأفوكاتو تخنت شوية عشان الدور، وبعدين رجعت لوزني لأن الدور لازم تبقى البنت رفيعة لأنها بتشتغل راقصة”.

وعن تفاصيل شخصية “إش إش”، قالت: “أكتر حاجة عجبتني في الدور أن “شروق” رقاصة ومامتها وخالتها راقصات، هو العالم بتاعها دا لكن هي رافضاه وعندها طموح آخر، ولما حصلها مشكلة في حياتها فهي متربية في العالم ده ومتأثرة بيه جدا، حتى لبسها هو محافظ بس فيه الروح بتاعتهم مش بتلبس كطالبة جامعية، طريقة كلامها، كان ممكن تتغير لو الحياة أدتها الفرصة دي والموقف اللي حصل معاها بسبب أن هو استحلها عشان بتشتغل رقاصة مع أنها كانت رافضة دا ومتستاهلش اللي حصل فإحنا بنناقش أن مش لازم نحكم على حد من برا مش عشان بتشتغل كذا متكونش كويسة”.

وعن الانتقادات التي طالت المسلسل واتهامه بهدم منظومة الأخلاق، قالت: “أتحدى أي شخص يقول إني بساهم في هدم قيم المجتمع في المسلسل، الجمهور لما شاف المسلسل وجد أن القصة مختلفة تمامًا عن البرومو”، مشيرة إلى أن الملابس تم تصميمها بشكل يتناسب مع تقاليد المجتمع المصري.