- ليفربول مش مشارك في كأس العالم للأندية.. طيب ليه الأهلي ميخدشي خطوه استعاره صلاح فتره البطولة
- الأهلي لازم يصرف كده كده .. ومفيش حاجه صعبه انك تستعير صلاح لكأس العالم للأندية بس وأنه ميسي يبقى قدام صلاح في افتتاح البطولة
- الفلوس؟ اي راعي وشركة ممكن تتحمل الفلوس ويستفيد مالياً أن صلاح هيلعب قدام ميسي
- فاروق جعفر عبر قناة أون تايم سبورتس 2 🎙️
- لازم إدارة نادي الزمالك تسيب جروس يشوف اللعيبه كلها ومحدش يفرض عليه لعيبه تجي ولا لعيبه تمشي
- أنت لو مشيت ناس وهو لسه مشافشي حد كويس، ممكن تندم بعد كده
- نفس الكلام لصفقات يناير لو جبت لعيبه هو مش عارفها ومش عايزها .. هتخسر فلوسك
- لازم جروس يتوفرله كل حاجه وهو اللي يختار هيعمل ايه .. لان الراجل لسه بيستكشف وفي لعيبه ميعرفشي أساميها لسه
- الحكم السابق توفيق السيد مع إبراهيم عبدالجواد عبر قناة أون تايم سبورتس 🎙️
- قرار إلغاء فقره تحليل أخطاء التحكيم، قرار كارثي وهيعمل مشاكل كتيره
- أنت بتفتح المجال أن الناس تفضل تتكلم في السوشيال ميديا بدون ضوابط صحيحه وهل انت تقدر تسيطر على كل الناس في السوشيال ميديا
- لما بيطلع حكم سابق يتكلم عن الأخطاء ويوضح الكلام ده .. المشاهد بيبقى فاهم حصل ايه .
- .إبراهيم عبدالجواد عبر قناة أون تايم سبورتس 🎙️
- معانا سؤال من الحكم سمير عثمان ليك بيقولك ليه محسبتش ضربة جزاء لنادي الزمالك قدام اتحاد الشرطه في 2010
- الحكم السابق توفيق السيد عبر قناة أون تايم سبورتس 🎙️
- طيب انا هقوله وانت ليه محسبتش 3 ضربات جزاء لإنبي قدام الأهلي قبلها وانبي كمان كان ليه هدفين
- إبراهيم عبدالجواد 🎙️
- أنت بتردهاله ولا ايه؟
- توفيق السيد 🎙️
- أصل مباراة إنبي والأهلي وقتها كان حديث الناس كلها وحصل فيها أخطاء كبيره ومن المساعدين.. فمباراة الشرطة كانت بعدها وكابتن سمير عثمان فرح لما محسبتش بلن للزمالك والناس بطلت تتكلم عليه
- إبراهيم عبدالجواد عبر قناة أون تايم سبورتس 🎙️
- استياء طبيب الزمالك من تصريحات جروس امبارح في المؤتمر الصحفي فيما يخص إصابة ناصر ماهر
- الجهاز الطبي زعل من تصريحات جروس عن إصابة ناصر ماهر، وانه اتبلغ من دكتور الفريق محمد اسامه أن اللاعب سليم 100% ولما نزل اتصاب نفس الاصابه
- طبيب الزمالك محمد أسامة قال إنه طلب الرحيل اكتر من مرة خلال وقت سابق ويعتبر التصريحات دي تشكيك فيه وأن لو جروس عايز يغير الجهاز الطبي فهو هيمشي عادي
