جوزيه جوميز مشي ليه؟ بدأ البعض يقول دي لعبة من النادي الأهلي، قسما بالله لو ان النادي الأهلي هو اللي مشى جوزيه بتاع الزمالك يبقى نادي عبقري، يعني لو الأهلي لهذه الدرجة متغلغل ومسيطر داخل نادي الزمالك وانه يقدر يجيب عرض لمدرب الزمالك بعد يوم واحد من تصريح امين صندوق النادي لما قال عن جوميز انه زملكاوي ومن مواليد مية عقبة وانه بيعشق الزمالك وانه قاعد فالاهلي يمشيه، ده يبقى عبقري ويبقى الأهلي ده أكبر جهاز مخابرات في الرياضة، انك توصل انك تعرف تعمل ده في وسط ما الرئيس بتاعهم وامين الصندوق ونائب الرئيس واعضاء مجلس الادارة بيقولوا عليه اعتبروه وقع وجدد وفجاة تلاقيه مشي فيبقى الاهلي ده عبقري انه اخترقهم ولازم نادي الزمالك يخلي باله وطول ما هما ماشيين يبصوا وراهم ويبصوا قدامهم، افضل كده بقى وخاف
- كل ما يمشي مدرب تقول الاهلي، كل ما يمشي لعيب تقول الأهلي، ده كده الاهلي مش عبقري في الملعب بس ولا عبقري على المستوى العالمي وانه مشرفك ومش عبقري بس على مستوى افريقيا لكن ده عبقري انه بيعرف الحاجة اللي يعكنن عليك بيها وبيعملها، واشمعنا جوميز وليه كولر مبيجلوش عروض؟ رغم ان وكيله قال اكتر من مرة انه جاله عرض واتنين وتلاتة لكنه فضل الاستمرار مع الأهلي لانه متقدر بالشكل الكافي، يا عم اقف وبص وشوف اخطاءك، شوف بتغلط في ايه والغلط بيتكرر ليه سواء في لعيب او مدرب او اداري، ما هو اسهل حاجة خسرت الدوري ليه؟ الحكم، خسرت افريقيا ليه؟ الحكم، وادي شماعة، المدرب مشي ليه؟ الاهلي، اللعيب مشي ليه؟ الأهلي، هو اي حاجة تحصلك لازم ترميها على أي حد؟ شوف اخطاءك وحاول تتعلم منها
