أكد محمد الشناوي حارس الأهلي في تصريحات تلفزيونية بقناه اون تايم سبورتس : أنا كلاعب رايح أكسب بطولة الجمهور اللي في اسكندرية مشجعشي ولا لاعب هو شجع المدرب كولر وخالد الجوادي والاتنين محترمين .. مبتشجعش اللاعيبة ليه؟ بتشتم اللاعيبة ليه؟ هل أنت تعرف ده عنده ظرف ايه؟ اللي أنت شتمته ده والدته كانت في المستشفى ساعتها !! .. في لاعيبة جاتلي وقالتلي مش هنحتفل لأن الجمهور مبيحتفلش بيا .. اللعيبة قالت مش هنروح للجمهور عشان شتموا اللعيبة
محمد الشناوي حارس مرمى نادي الأهلي : اللاعب دايما لما بيخسر بيبقي زعلان جدا ومستني الجمهور يسانده ولما يبقى كسبان مستني الجمهور يدعمك لكني اتفاجئت إن يوم مباراة سموحه الجمهور بيهاجم اللعيبة، هما هتفوا لكولر وخالد الجوادي المترجم بس وسمعت الشتيمة بودني لكني مركزتش، وبعد الماتش لقيت فيه لعيبة جتلي وكانت زعلانه جدا من اللي حصل
محمد الشناوي حارس مرمى الأهلي: عقدي هيخلص في الصيف الجاي ويحق ليا امضي لاي فريق في يناير ومحدش كلمني في التجديد لكن أنا لاعب في الأهلي وسبق ورفضت عروض وصلت لراتب 150 مليون جنيه وكان ممكن يوصل إلى 500 مليون جنيه في 3 سنين واللي باخده دلوقتي في الأهلي أقل من 20% من الرقم ده
