- بحب زيزو جدا وبحترم والده جدا، لكن هو في الاخر بيتعامل أن الموضوع عرض وطلب سيبكم من المشاعر لان وقت الجد الكل بيفكر في مصالحه لو مخدشي اللي عايزه مش هيجدد
- والده عاوز ياخد اعلى راتب ومصلحه ابنه في المقام الأول بدون تنازلات لكن هو بيحاول يستغل سوشيال ميديا الزمالك أنها بتحب اللاعب في الضغط على الإدارة بفكره أن خلاص يناير فاضل عليه كام يوم ومحدش خلص معاه وان من حقه يتفاوض ويمضي في اي مكان
- مع أن المفروض أن الزمالك لازم يكون ليه الأولوية لنهايه الموسم مش اضغط بفكره اني امضي لأي حد في يناير خصوصا أن الإدارة بتواجه ازمه ماليه كبيره وعندها متطلبات بتدفع غير أنها عايزه تدعم الفريق في يناير
- المعلومة اللي عندي أن والد زيزو طلب 80 مليون جنيه في السنه اي ما يوازي مليون و600 الف دولار، قول مليون ونصف اي 4 ونصف مليون دولار في 3 سنوات ..
- خالد الغندور عبر برنامج ستاد المحور 🎙️
- محمد عبدالمنعم لا يشعر بالراحة في فرنسا وعايز يرجع مره ثانيه مصر
- اللاعب مش بيشارك كتير مع نيس الفرنسي ومش قادر ياخد على الاجواء هناك
- اللاعب حابب يرجع تاني الأهلي، لكن هل الأهلي هيقدر يدفع الفلوس اللي ادفعت فيه واللي بتعادل 250 مليون جنيه
- وكيل عبد المنعم أقترح على الأهلي التعاقد مع اللاعب خلال فترة الانتقالات الشتوية المقبلة لمدة 6 شهور ويرجع مره ثانيه إلى نيس الصيف المقبل ولكن دي هتحتاج مبلغ لا يقل عن مليون دولار فهل الأهلي هيعمل كده؟
- خالد الغندور عبر برنامج ستاد المحور 🎙️
- عمر كمال عبدالواحد خارج قائمة الأهلي بكره قدام شباب بلوزداد.. ودي عليها علامة استفهام بالنسبالي
- الأهلي طلع بيان رسمي وقال أن اللاعب اتصاب في ايده وخد 4 غرز فقط وراح المستشفى
- 4 غرز دي كان أي لاعب بيصاب في ماتش الدكتور بيخطها ليه من غير ما يروح المستشفى وليكم عبره في مباراة الزمالك والأهلي لما سعد سمير اتصاب بسبب كوع باسم مرسي واتخيط وكمل لعب وطلع وقتها جريده الأهلي تقول دم سعد في رقبه مين وغيرها من لعيبه كتيره كان بيحصل ليهم خياطه ويكلموا نفس المباراة
- فعمر كمال مفروض أن الأهلي أعلن إصابته بسيطه و4 غرز عكس ما كان متداول أنها 15 غرزه وغيرها ونزل التمرين.. فليه هو برا القائمة أنا بالنسبالي الأمر مش مفهوم
- بيرسي تاو اللي غاب عن التمرين 3 ايام بسبب أنه كان تعبان .. منضم للقائمة وعمر كمال لا وده يحط علامه استفهام
