- عايز اكون صريح مع الناس على أرض الواقع كل حاجة بتقول إن الأهلي هيكسب الزمالك في السوبر الأفريقي
- من ناحيه استقرار الفريق واللعيبة الجديدة والاستعدادات
- في المقابل الزمالك بيجيب صفقات عشان يقول إنه جاب لعيبة ببلاش بمنتهى الصراحة
- الزمالك هيجيب باك لفت كان بيلعب في الرجاء مش بيدافع كويس وبيهاجم كويس وأرقامه أقل من العادية
- ناديه الفرنسي هيمشيه إعارة ببلاش لأنه غير مقنع عندهم والزمالك هيدفعله 200 ألف دولار اعاره سنه
- الزمالك عنده مشاكل كتيره وسببها سياسات التعاقدات الغلط اللي كانت بتحصل في وقت سابق
- تخيل أنت لو كنت وفرت فلوس لعيبه زي سامسون ونداي بتاخد ارقام كبيره بالدولار كنت زمانك قادر تعمل عقد محترم لزيزو حاليا نجم فريقك
- المجلس السابق راح اشترى لعيبه كتير بأرقام أكثر من ثمنها واكبر من حجمها الزمالك بيعاني بسببها حالياً ومش عارف يتخلص منهم
- علشان كده بقول لجمهور الزمالك متحلمش ببطولات .. متحلمش تاخد دوري ولا كونفدرالية ولا كأس مصر طالما عندك مشاكل مالية وقائمة فريقك بالشكل ده
