عرفت ان بعض اعضاء مجلس ادارة الزمالك كانوا بيقولوا لجوميز عايزين نقصقص جناحات زيزو مادام مصمم على رقم كبير للتجديد، واتواصلت مع لاعيبة في الزمالك واكدولي الكلام ده وقالولي ان #جوميز كان بيجيب زيزو واللعيبة في اوضة اللبس ويقول لهم الفاولات من ناحية الشمال اللي يشوطها عبدالله ومن ناحية اليمين يشوطها فتوح او محمد حمدي لو في الملعب لكن زيزو ميشوطش، وفي مرة من المرات عملوا اعلان للفرق الجماعية في النادي وخدوا فيه شيكابالا وعبدالله السعيد اللي لسة جاي ومخادوش زيزو، وطبعا كل ده خلى زيزو يزعل وياخد على خاطره، وبرضه زيزو زعلان ان بعض اعضاء مجلس ادارة الزمالك بيخبطوا فيه مع الجمهور، وانا بقول ان ده بيحصل وعندي معلومة وفي الفترة اللي بكلمك فيها بعض اعضاء مجلس ادارة الزمالك بيحركوا لجان في السوشيال ميديا على عضو داخل مجلس الادارة.
