توك شو
أحمد شوبير وخالد الغندور وإبراهيم فايق وسيف زاهر وعدلي القيعي عبر التوك شو
المهندس عدلي القيعي عبر برنامج ملك وكتابه على قناة الأهلي ردا على تصريحات الإعلامي عمرو أديب بشأن الأخطاء التحكيمية في لقاء بيراميدز 🎙️
- أنا عايز أسأل سؤال؟ هو الزمالك امبارح من مصلحته نتيجه ايه؟ مش التعادل لان الفريقين متنافسين
- لما الزملكاويه مملوئين اوي كده وهيجننوا أن بيراميدز مهربشي بالنتيجه ووسع الفارق قدام الأهلي .. هل دول بيشجعوا الزمالك؟
- دول بيشجعوا الزمالك؟ أنت مصدق … دول راصدينك أنت كأهلي لان مصلحه الزمالك في التعادل إمبارح
- ده مفروض لو انت شايف أن في مجامله كنت فرحت بيها !! مش هتتجنن!!
- يا راجل أنا عايز أسألك سؤال ليه ميدو متجنن ويقولك حكم متحامل وخالد الغندور يطلع يقولك فاول ومش كوع وعمرو اديب يقولك أدوا الدوري ليهم !!
- إبراهيم فايق عبر قناة ام بي سي مصر 2 🎙️
- أشرف بن شرقي كان واخد وعد من إدارة نادية بفسخ التعاقد بشرط انه يدفع او يتنازل عن باقي المستحقات
- عشان كدة إمبارح قولت انه بنسبة 99% في الاهلي، لانه كمان اتفق على كل الأمور مع الأهلي
- الأمور حتى الان في صفقة أشرف بن شرقي متوقفة إلى أن ناديه يوفي بالوعد مع اللاعب ويتم تسوية الامور وفسخ التعاقد لان اللاعب عقده هينتهي كمان 6 شهور
- خالد الغندور عبر برنامج ستاد المحور 🎙️
- سواء بن شرقي راح الأهلي أو لا .. حاليا عالم الاحتراف يخلي اي لاعب يروح في اي حته
- أشرف بن شرقي جماهير الزمالك كانت بتقوله بن قلبي لكن مع طالما في ماديات هيلعب في الأهلي.. والأهلي من حقه يشتري أي لاعب مهما كان حتى لو خد كل اللعيبه اللي لعبت في الزمالك قبل كده
- الأهلي بيعمل كده علشان يغيظك علشان يضايقك .. محدش هيقدر يلومه
- لكن سؤالي هنا فين نادي الزمالك.. فين مجلس إدارة نادي الزمالك من المشهد
- يا جماعه الخير ادوا العيش لخبازه.. كابتن حسين لبيب لو جاب صفقه في اليد كلنا هنشيد بيه لانه كان لاعب كرة يد كبير .. لكن كرة القدم ليها ناسها ولازم يكون في اختصاص للمشهد
- لازم المجلس يحل الأزمة المالية لان وجودهم كان علشان كده .. ومينفعشي تطلع تصدر للإعلام والناس انك نادي فقير وتضعف صوره النادي وده بيأثر عليك بعد كده .. لازم تشتغلوا علشان الزمالك
- سيف زاهر عبر قناة أون تايم سبورتس 🎙️
- الأهلي فتح الخزن وفتح على الرابع صفقات من العيار الثقيل، فاكرين لما قلت اتقل تاخد حاجه تقيله متهاجموش الإدارة
- صفقة محمود تريزيجة للنادي الأهلي تخطت 500 مليون جنيه مصري
- 3 مليون و500 ألف دولار لنادي طرابزون التركي والباقي الراتب الشخصي لمحمود تريزيجيه
- كنا سألنا مرموش تحب تروح فين؟ قال الدوري الإنجليزي، ولما سألنا تريزيجه قال نفسي أروح الأهلي علشان بحب محمود الخطيب
- أحمد شوبير عبر برنامج حارس الأهلي على قناة الأهلي 🎙️
- على مسؤليتي، كل النادي الاهلي بمعنى كل النادي الأهلي بمجلس إدارة الاهلي يتمنى استمرار علي معلول
- لسه في كام يوم لحد القيد ما يتقفل، محصلش اي اجتماع بين الخطيب ومعلول لان الامر في ايد كولر
- مستنين رد إيجابي من مارسيل كولر لاستمرار معلول مع الاهلي
- قد نسمع خبر جيد لـ علي معلول خلال يومين، بتلبية رغبة جمهور الاهلي ومسؤولي الاهلي لبقاء معلول، ولكن القرار الاول والاخير في ايد كولر
