- هتكلم بكل صراحة، كتير بيتكلموا عن الصفقات وأنا موافق أن الفريق محتاج صفقات لان لما تعاقدت مع إمام عاشور ووسام أبو علي كان أمر كويس، وحاليًا الجماهير عايزه صفقات من النوع ده مرة ثانية
- هقولكم سرً عن صفقة الأهلي إيفرتون، الأهلي بعد ما أنهى الاتفاق مع اللاعب وناديه، حصل تراجع في الطلبات المادية حتى وصلت لـ 8 مليون دولار، فرفض الأهلي واللاعب تم بيعه لنادي تاني
- أكثر من صفقة حصل معاها نفس الكلام حد مسئول قالي كده لكن انت لازم تحسم الأمر وتقطع عرق وتسيح دمه ياما متوعدشي الناس
- قولت إنه كل مركز هيكون فيه 2 لعيبه وأنه هيتم التعاقد مع لاعبين في كل مركز، وقلت في صفقة محلية وأعلنا عنها وقولت ان الاختيار كان بين محمد ربيعة ومصطفى العش والاختيار وقع على العش، ودا كان اجتهاد شخصي مني
- لحد دلوقتي الناس مش شايفة صفقات محلية ولا أجنبية ولا أي نوع من أنواع الصفقات رغم فيه لجنه اسكاوتنج ولجنه تخطيط وشركه كرة والدنيا بقت صعبة والأسعار بتغلى والنهاردة 19 يناير ومن حقك تضم صفقات من أول يوم 1 في الشهر، أكيد في حاجة والناس عايزة تعرف واحنا لازم نطرح تساؤلات الناس على المسئولين ويحصل مؤتمر صحفي يتم فيه التوضيح للجماهير
- شيء مهم، أن الحد الأقصى من التعاقد مع أجانب هم 3 لاعبين، هل الثلاثي هيظبطوا الفريق؟ خاصة إن الفريق بيلعب بدون لاعبين محترفين، ولازم أن يتم إعلان موقف علي معلول
- الناس بتسأل واحنا معندناش إجابة نقولها للناس، بصراحة الأمر عجيب وغريب جدًا، أتمنى تكون في إجابات لأني أنا معنديش إجابات
- لازم حد من النادي الأهلي يطلع يقول للناس .. هيصبروا لغاية امتى؟ حتى كولر بيقول لا تعليق هيبقى التعليق عندنا احنا؟ جمهور الأهلي في حالة غضب شديدة
