عامل عنتر ليه؟»..رسالة نارية من شوبير إلى جماهير الزمالك بسبب نجم الأهلي بسبب سباب امام عاشور

«

وجه الإعلامي أحمد شوبير رسالة نارية إلى جماهير الزمالك، بعد هجومها على نجم فريق الكرة الأول بالنادي الأهلي خلال مواجهة القمة الأخيرة

وانتشرت مقاطع فيديو تظهر سبابًا جماعيًا من جماهير الزمالك ضد إمام عاشور، خلال مواجهة الأهلي والزمالك الأخيرة، أثناء عمليات الإحماء ووقت اللقاء.

وقال شوبير: «إمام عاشور اتشتم بأفظع الألفاظ وفي هتك أعراض وسباب، وسط سعادة من المسؤولين. يا مراقب متكتبش، يا مخرج متذعش، يا حكم متدونش».

وأضاف: «فتيجي اللجنة في رابطة الأندية المفروض تجتمع يوم الإثنين. فين العقوبات مشوفناش؟».

وأكمل: «أنا لو حطيت السباب الجماعي دلوقتي على الشاشة، هيتقال كيف سمح المدعو أحمد شوبير بظهور مقطع فيديو فيه ألفاظ في الشاشة والجماهير سمعتها، وبالتالي يشطب طول العمر من الظهور. وهيكون عندهم حق، لكن الألفاظ تطلع في الملعب وتتغنى ويترقص عليها».\

وتابع: «لو إمام عاشور خرج عن النص وراح للجمهور ورد يتشطب، لكن لما آلاف تخرج عن النص بالشكل ده يبقى بنحب!».

وزاد: «طيب بتحط لائحة ليه وعامل عنتر ليه؟ أرجوك إلغيها لأنك مش هتطبقها. مش دفاعًا عن إمام، دفاعًا عن الأعراض».

وأتم: «مستنيين قرارات رابطة الأندية. أنا في انتظار القرارات لو طلعت النهاردة هقول أهلًا وسهلًا، لكن بيقولوا هتطلع بكرة. ليه بكرة؟! علشان 48 ساعة بعد الماتش، لكن في أمور متبقاش بعد 48 ساعة، محتاجة بعد المباراة تطلع القرارات