خالد الغندور: أحمد ابنك وقع لنادي الزمالك فعلا في وقت سابق؟ وسيراميكا رفض يخليه يروح الزمالك؟
ياسر ريان : اه حصل وقع لنادي الزمالك والعقود معايا خدتها تاني لان سيراميكا رفض يبيعه وقتها لنادي الزمالك
خالد الغندور : الغريب أن سيراميكا ساب اللاعب بعدها راح البنك الأهلي طيب ليه مراحشي الزمالك؟
ياسر ريان : كابتن ايمن الرمادي قالنا وقتها أنه مدي وعد للنادي الأهلي أن أي لاعب جاي من عندهم ميروحشي الزمالك
خالد الغندور: هو اتقال إنه تم رفض بيع اللاعب لنادي الزمالك علشان سيراميكا كان رافض يبيع بسام للأهلي بعد اصابه الشناوي بس هما مشوا احمد للبنك لكن بسام مكمل
ياسر ريان : سيراميكا مكنشي عايز وجع دماغ ولا يخسر الأهلي فهو يروح البنك الأهلي عادي والبنك براحته بقى يوديه اي حته خصوصا أن سيراميكا بتربطه علاقه قويه بالنادي الأهلي وفي لعيبه رايحه جايه بينهم ومكنشي حابب يخسرهم لو أحمد ابني راح الزمالك
خالد الغندور عبر برنامج ستاد المحور : ” خرج أحد الإعلاميين الكبار يتكلموا عن ملف غرامه كهربا اللي اتقفل وأنه مظلوم .. في الكأس مفيش حاجه اسمها اصل لازم توثق العقد خلال شهر او غيروا التاريخ، كل دا هجص، ملف كهربا هو مدان فيه ودفع الغرامه واغلق وفتحه حاليا غريب ومش مفهوم لان كل الأطراف سواء احمد مجاهد أو مجدي عبدالغني أو حتى ثروت سويلم كلهم اهلاويه وقالوا إن عقده في الزمالك كان صحيح مش معقول كل الأهلاوية دول كذابين والفيفا والكأس غلط وكهربا هو الصادق خصوصا أنه ليه فيديو مع سيف زاهر بيقول أنه مجدد للزمالك صوت وصوره ”
