توك شو
الدكتور حسام المندوه عبر قناة صدى البلد مع الإعلامي أحمد موسى : قدمنا اعتذار
- ما حدث بعد مباراة الزمالك أمام بيراميدز هي نرفزه ملعب وغير مقصوده تماما
- علاقتنا بدولة الإمارات كبيرة ونؤكد على الأخوة بيننا ولم نرى اي معاملة سيئة منذ وصولنا
- قدمنا اعتذار للإمارات عما حدث ولم نعلن إطلاقا أننا سننسحب من النهائي وكل ما قولناه اننا بندرس الوضع لان الأزمة خدت من وقتنا وتفكيرنا
- الزمالك جاهز بإذن الله لنهائي السوبر المصري امام الأهلي
- عمرنا ما جينا الإمارات ورجعنا زعلانين .. معانا محامين زملكاوية هنا سواء مصريين أو إماراتيين وبكرة بإذن الله هيكون المحكمه العاجلة صباحا لإنهاء الأزمة
- دكتور حسام المندوه امين صندوق نادي الزمالك: لاعبي الزمالك رجاله وهما اتعودوا على الأزمات واتكلمنا معاهم بإذن الله ربنا يكرم ونرجع بالكأس
- الإعلامي أحمد موسى : لا بقى أنتوا كسبتوا السوبر الافريقي خلاص .. السوبر المصري بتاع الأهلي
- دكتور حسام المندوه: هتزعل الزملكاوية كده يا استاذ احمد ..أن شاء الله تعالى السوبر زملكاوي وهنرجع بيه
- الإعلامي أحمد موسى : اهم حاجه تبقى مباراة تليق بمصر والزمالك والأهلي ونسعد بيها
- دكتور حسام المندوه : بإذن الله مباراة تليق بالزمالك والأهلي والكرة المصرية ونسعد جماهير القلعة البيضاء
- الإعلامي أحمد موسى : نسعد جماهير القلعة الحمراء بقى وترجعوا بالسلامة
- دكتور حسام المندوه: أنت مشكله والله يا استاذ احمد .. بإذن الله الزمالك هيكسب
