حديث الساعة هو ازمة ابناءنا لاعبي نادي الزمالك وان شاء الله تنتهي على خير بس عايز اقول كام جملة كده عشان البعض اللي بيهاجمنا، امبارح واحنا بنتكلم عن دولة الامارات وعلاقتنا وقد ايه احترامهم وقد ايه اكرام الضيف عندهم وجبنا تويتة الاستاذ احمد سالم المتحدث الرسمي للزمالك لما قال ان فيه اجتماع بين الكابتن حسين لبيب وحسام المندوه لبحث الانسحاب لان الاجواء غير مناسبة والضغوط غير محتملة وقلنا الكلام ده مينفعش، النهاردة طلع استاذ حسام المندوه قال كلام جميل جدا وقال اللي يقول كده مش عايش معانا ومش شايف الناس شيلانا على راسهم ازاي، والحقيقة ده الكلام اللي قلناه امبارح واتهاجمنا لما قلناه لكن في النهاية الناس في الزمالك تداركت الخطأ وقالوا نفس الكلام، لكن مهم اننا ننبه ابقوا خلوا بالكم والكلام اللي يتكتب يتكتب بتنسيق ويتكتب بحساب وخليك كيس فطن ولما تبقى في ازمة لازم تحاول تحلها بشكل كويس.
